ភ្នំពេញ៖ នាយករដ្ឋមន្ត្រីកម្ពុជា សម្ដេចធិបតី ហ៊ុន ម៉ាណែត បានបង្ហើបថា សម្ដេចបានបញ្ជាទៅរដ្ឋមន្ត្រីសុខាភិបាលឲ្យចុះទៅពិនិត្យតាមមណ្ឌលសុខភាពនានាដោយពុំមានការព្រៀងទុក ឬជូនដំណឹងមុន។
សម្ដេចបានបង្ហើបនៅក្នុងពិធីសម្ពោធដាក់ឲ្យប្រើប្រាស់មន្ទីរពេទ្យជាតិ តេជោសន្តិភាព នៅព្រឹកថ្ងៃអង្គារ ទី២៤ ខែតុលា ឆ្នាំ២០២៣ នេះដោយថា ការចុះពិនិត្យនេះធ្វើដោយឥតព្រៀងទុក និងមានពេលខ្លះទាំងយប់ផងដែរ ហើយអ្វីដែលសម្ដេចមានការពេញចិត្តនោះគឺទទួលបានការឆ្លើយតបជាវិជ្ជមានពីប្រជាពលរដ្ឋលើវិស័យសុខាភិបាលកម្ពុជា។
បើតាមសម្ដេចធិបតី ក្នុងអាណត្តិរបស់សម្ដេចគឺនឹងត្រូវពង្រឹងវិស័យសុខាភិបាលឱ្យមានគុណភាពដែលធានាទៅដល់សុខភាពរបស់ប្រជាពលរដ្ឋជាសំខាន់៕
